A Comisión Intersectorial Feminista do Colexio Oficial de Psicoloxía de Galicia organiza o Curso “Acompañamento e traballo psicolóxico con menores e as súas familias”, que se celebrará o día 1 de xuño de 2024 en Santiago de Compostela e a través da plataforma teleformación Moodle do COPG e zoom.
O curso pretende analizar as necesidades de menores trans no ámbito socioeducativo e sanitario, abordar o acompañamento e traballo con menores trans e as súas familias dende o punto de vista da saúde e socioeducativo, coñecer estratexias de traballo con familias para a aceptación e acompañamento de menores trans e coñecer os servizos e recursos para o acompañamento e intervención con menores trans e as súas familias no ámbito sanitario e educativo.
Para a inscrición é preciso enviar o boletín cuberto ao enderezo electrónico copgalicia@copgalicia.gal ata o 22 de maio, ou ben realizar a inscrición a través da sede electrónica do COPG.
